الفار يحالم بتحقيق طموحاته الرومانسية

Admin عدد المساهمات : 48 تاريخ التسجيل : 14/09/2011

الفار وقف جمب القفص سافر خيالو سرح بعيد...
لو أكرموا رب العباد جكسوية وآحده من الجداد يتزوجا ويعيش سعيد..!
تكفيهوا من حظوا التعيس ..
فطوروا بيض غداهو بيض....!
صاحبنا م إتردد وقال...
... قال للجداده تعالي جاي أنا عندي ليكي كلام كتير...!
قاتليو: إن شاء الله خير...؟؟
الفار رجف طقطق أصابعينو وقف..
قال للأسف أنا مابقول إحساسي وآضح ومشاعري ماعايزه الفضول...!
قاتليهو ياخ م تقول..!!
صاحبنا قام قاليها: طمعان ف الجوار
الجداده إتدللت!!
قاتليو: هي مااا إنت جار..
الفار سرح رآح الكلام منو ووقع..
قال للجداده بلاش دلع لو جاكي فار طالب القرب طالب إيديك طالب الغرام........ رآيك شنو؟؟؟!!
قاتليو يييييك مايسمعك ف الحلة ديك!!
الفار كضم شم الوضع شتت مشي..
وعينو من كتر الزعل ماشايفة حاجة مطششة..!
حرد الفطور حرد الغداء ..
ورسم علي جدار الزمن صورة الجداده ونفشتا....
وقال الجدادة قست علي وعملت علي متحنكشة..
باكر بعرس ست ستها تمسح دموعي تقشقشا...!!