انا البحر الكبير الدابو حمر
انا قدحة زناد مدفع معمر
بشد البانقير جملي المضمر
وانا ابراهيم اخو ام عفشا مجمر
انا البحر الكبير ان عبروني
وانا رحل الكحل ان ميلوني
انا شوك الكتر ان جرجروني
وانا الجن البخلي الزول ينوني
صايدني همك
متل نار العويش حارقني سمك
متين يا ديفة الراتعات ألمك
وأجدع فوق جرايد إيدي كمك
معروفين من زمان اهل الكرم والشكره
مابنتر يمين كان جات الخلوق منكسره
كان درتوا الفهم لينا العلم والتجره
وان درتوا الكتال قول يا قبضة الجمرة
انا قلال رفيقو
وانا فرج العيال ساعة يضيقوا
انا الدابي الرصد والزول بعيقوا
وانا المأمون على بنوت فريقو
سيزر
موضوع: شعر شعبي سوداني 
الخميس سبتمبر 15, 2011 2:39 pm
