منتديات سيزر
مرحباً بك أخي الزائر ،، أنت لم تقم مؤخراً بالتسجيل لمشاهدة محتويات المنتدي نرجو التسجيل والدخول

إدارة المنتدي ~ سيزر

منتديات سيزر

شبابي ثقافي إجتماعي
 
الرئيسيةالبوابةالتسجيلدخول

شاطر | 
 

 إن بقيت بخيت ربنا يديك مره هدية رضية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sezar
Admin
avatar

عدد المساهمات : 48
تاريخ التسجيل : 14/09/2011

مُساهمةموضوع: إن بقيت بخيت ربنا يديك مره هدية رضية   الخميس سبتمبر 15, 2011 2:27 pm


إن بقيت بخيت !!! ربنا يديك مرا هدية ورضية... السماحة ما ضروري لأنو بعد شوية ما حاتكون سمحة... حاتكون عادية... نصيحة ليك النسوان البقولن ديل أوعك تعرس واحدة فيهن ...

( الفنانة والحنانة والحردانة)

الفنانة: دي حتمرق معاها وتقعد تحوم في الحفلات وتشوف ليك كرسي قدااااام تقعد فيهو شايل عكازك وسكينك في ضراعك وعينك عليها, إن راجل بشر ساكت تتحنفش وتقوم إلا يهجروك أتنين على الكرسي وتجو نص الليل راجعين أهلكم والنهار كلو نايمين.
الحنانة : طول النهار برا البيت تحنن في نسوان الرجال وهي كرعيها يكون ما شافن الحنة من سنتين, والنهار كلو انت تحاحي في الشفع ما يلمسو الصبغة.
الحردانة : دي حا تكرهك حياتك !!! اقل كلمة تتلفح توبها وتجري بيت أبوها وتلحقها انت وتلقى أبوها ... تقعد في طرف العنقريب تطقطق في اصابعيك ومدنقر في الواطة داير تراضيها ترجع البيت ... أحسن حل أنكم تسكنو مع ناس أبوها أو تجيبو ناس أبوها يسكنو عندكم عشان توفر المشاوير والجري.
( المدرسة والمدبرسة والمفلسة)
المدرسة: أول حاجة دي ما بتقدر تفرق بينك وبين الطلبة!!! وحا تقعد تعيد وتكرر في الكلام مليون مرة وما بعيد في الآخر تقول ليك فاهم يا شااااااااااطر.
المدبرسة : تلقاها طول النهار زهجانة واخلاقها في طرف نخرتها ولو كلكلتها ما تضحك في النهاية دي حاتوديك التيجاني الماحي نزيل اكتئاب…………
المفلسة : ما دايرة أي شرح !!!

( النوامة والحوامة واللوامة)
النوامة: تجي من الشغل نص النهار زهجان تلقاها تانية المخدة وخاتة أيدها تحتها وتشخر وريالتها سايلة وحالتها بالبلا تكرهك اليوم الفكرت فيهو التكاثر.
الحوامة : طول اليوم فوق كرعيها لايصة الحلة من بيت لي بيت وتدخل البيت قبل رجوعك من الشغل بي خمسة دقايق تجري تولع النار وتغديك القطر قام وأول ما ينتهي الغدا تدخل في سفنجتها استعداد لي جولة جديدة.
اللوامة : دا نوع مزعج جدا لوجبت سيرة أخوك سااااااااكت تفتح فيهو ... الله يسألني سنتا ديك وكت انت سافرت وخليتنا بلا قروش وسافرت يدخل علينا ويمرق مدلدل ايديهو كويس موز ساكت ما بيجي شايلو. والعجب لو جبت سيرة أمك ,,,, هي والله أمك دي أصلها ما بتريدني ومن تشوفني النيران تنطلق فيها وتمد قدومها اسع وليداتك ديل سلام الله ده يالله ويامين تدي ليهم.

(البوبارة والكوبارة والخبارة)

البوبارة: دي تحملك فوق طاقتك وتشريك الما بنشري وجيت الضيوف في البيت تجري على علبة الدهب وتتعنكش كلها وتقعد تنضم بي أيديها وكرعيها ورقبتها وأضنيها عشان توري الدهب.
الكوبارة : دي تكبر ليك أي موضوع وتسوي ليهو توم وشمار تقول ليك ناس القبور دقو الطنبور ولو شافع من شفعك عتر ووقع !!! تخت ايديها في نص راسها وتصرخ بي طول حسها ووووووووووووووب علي ووووووووووووب علي الولد مااااااااااات والمصيبة لو كنت نايم وسمعتها !!! تقوم مخلوع وتمرق من الاوضة جري ولو كان عندك قلب تمرق من المهد الي اللحد طوالي.
الخبارة : دي بتحب الخبارات ذي عيونها ولو في نضم تلقاها سكتت الشفع عشان تسمع الجيران !!! مالهم بيهرجو وصوتهم عالي ولوكانت بتكوي ليك في قميص ولا جلابية قطع شك حايكون أو تكون في عداد ضحايا الحريق, وممكن الملاح يحرق والجردل يكون تحت الماسورة يتملي ويغرق البيت وحرمكم المصون واقفة فاتحة خشمها تتصنت على الجيران.

( الممحوقة والمطلوقة واللايوقة)

الممحوقة: دي لو جبت ليها دكان كامل ختيتو في البيت تكملو في يومين.
المطلوقة : واضحة وضوح الشمش في كبد النهار.
اللايوقة : دي حكاية تانية !!! تمسك في موضوع يحلك منو الجليل الرحيم, يا دا .... هوي ... الليلة يا يمة طرشت ... وقدر ما تطنش هي تذيد إصرار ... وممكن لو عدمت الحيلة تجي جنبك وتخجك خجة جامدة عشان تنتبه للنقة.[b]
الرجوع الى أعلى الصفحة اذهب الى الأسفل
http://sezar.ahlamontada.com
 
إن بقيت بخيت ربنا يديك مره هدية رضية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيزر :: أروع القصائد السودانية-
انتقل الى: