نص قديم حلمنتيشي

Admin عدد المساهمات : 48 تاريخ التسجيل : 14/09/2011

ياحليل شبابنا البدري خاب .. الود مسستم لي الركب وبنية ذي بت أم لعاب..

وبناتنا جت إجبصن وأولادنا جت سفوا التراب ..

لا زول بينصح لا أبو لا أم ولا كلمة عتاب ...

ديل السلام بقوهوا هاي لغة الكلام ذادوها ياي ...

... ديل ناس هناية وناس هناي...

لابسات وما لابسات وبلوزه ضيقة وفيها ياي...

وإسكيرتي بس لاعبات تنس زايدنو خطوه وفيها راي..

كان دا اللبس خليهو أحسن نمشي ساي...

والجامعة صارت بس خلط...

والدنيا عماها الخراب .. والحب دخل جوة المقرر وقالوا بيطلع ليو كتاب...

والطلبه قاموا إحتجوا كيف يا أخوانا نقرأ من الكتاب...

خلونا نقرأ من المراجع نقرأ بحور حتي لو كان ألف باب...

وشوفوا لو وآحد سقط أو مره هرجل ولا غاب.....

بس القرآية تبقي حب لا نقرأ سيرف ولا حساب...