منتديات سيزر
مرحباً بك أخي الزائر ،، أنت لم تقم مؤخراً بالتسجيل لمشاهدة محتويات المنتدي نرجو التسجيل والدخول

إدارة المنتدي ~ سيزر

منتديات سيزر

شبابي ثقافي إجتماعي
 
الرئيسيةالبوابةالتسجيلدخول

شاطر | 
 

 حرر نفسك – لشاعر الشعب محجوب شريف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sezar
Admin
avatar

عدد المساهمات : 48
تاريخ التسجيل : 14/09/2011

مُساهمةموضوع: حرر نفسك – لشاعر الشعب محجوب شريف   الأربعاء سبتمبر 21, 2011 9:22 pm

[b]حرر نفسك[/b]



أرفع راسك



زلزل أسرك



أصلك شعباً صعباً كسرك



وحد بأسك



انت المجد مقاسو مقاسك



والقهروك زوالم شمسك



كل الأيدي وكت تتماسك



تكتب نصرك



تهزم ليلك وظلمة حبسك



حرر نفسك بي إيديك



عندك زودك وحمرة عينك



ودخري الحوبة شبابك زينك



علي هتافك



أدي شراع الهنا مجدافك



خلي الخوف يخشاك ويخافك



ويبقى رماد البينو وبينك



كل الدنيا بتسأل عنك



يا مبدع ثوراتك وينك؟



انت الزيّك ما بتذل



كم من ظالم ظلمك وولى



أنا متفائل بيك وبحلم



بل متأكد ما بتتخلى



ما بتتفرج تفضل ساكت



وحفنة تقبقب في خلق الله



أنا متفائل بيك وعارف



إنك يوماُ ما بتتخلى



تبقى حديث العالم كلو



إذاعة .. إذاعة …. جريدة ..جريدة



مجلة مجلة



يملا الشاشة ثباتك



وضو عافيتك



وعلمك وقلمك وجلابيتك



وقدلة ولدك وجدلة بتك



ونيلاً قلدك جنب طابيتك



ما من بيتك يا الحبيتك



كل من ظلمك ولا تربيتك



قدرتك إنت وإمكانيتك



شامخ تبني ديمقراطيتك



وعزة بلدك ورفعة شانك



يا متعدد وواحد ابداً



تحيا العشرة البين أديانك



وسلم حقيقي يزيدك عددا



ويبقى عنان السما عنوانك
[u]
الرجوع الى أعلى الصفحة اذهب الى الأسفل
http://sezar.ahlamontada.com
 
حرر نفسك – لشاعر الشعب محجوب شريف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيزر :: أروع القصائد السودانية :: ترانيم شعرية-
انتقل الى: